Transcription
1
Reçue à Grenoble, le 06 mars 1573. Répondue le 07 mars 1573.
2
Monsegneur, je vous ay adverti ses jours passez comment
3
jay la depêche pour labbaye de St Sernin toutte preste
4
à vous envoyer si les lettres deconomat estoint seelllées.
5
Monsieur le garde des seaulx reserve à faire ses depêches
6
du seau après que la royne mère du roy sera partie de ceste
7
ville, que sera demain, pour aller trouver le roy à St Leger.
8
Aussi le conseil se despartira pour se rassembler, comme lon espère,
9
à Chartres. Je nay poinct de novelles du camp puys celles
10
que ie receus et vous envoya le XIIIe de ce moys. On tient
11
pour vray que quatre naufz sont entrées avec secours
12
despuis dans le port de La Rochelle. Ceulx qui veullent deguiser
13
les matières disent que ce ne sont que groz batteaux
14
chargés de marée sallée. Mais il est à croire que
15
puys que cela a esté entrepris, ce a esté pour y porter
16
choses necessaires et importantes. On dict aussi que Monsegneur
17
en a escrit fort rudement à monsieur le baron de La Garde de
18
la faute quil avoit faict de laisser passer ses vaisseaulx ;
19
que ledit sieur de La Garde est tumbé d’enuy en ung egarement
20
de son bons sens et depuis quil est mort. Ce sont novelles
21
communes de quoy touttesfois ie nay ouy parler aucung de
22
certaine science. On espère bien de la legation de monsieur
23de Valence en Poloigne [barré : devers ] où le jeune sieur de Lanssac
24
a esté il y a assez long temps envoyé. Et puys dix jours
25
en ça le sieur de Chomberg. Je voudray bien scavoir si vous faictes
26
verifier les lettres de monsieur d’Evènes pour la plus valeue
27
de Jaunage, car si la cour de parlement et chambre
28
des comptes du Daulphiné cognoissent desdites lettres, ilz pourront
29
bien verifier les vostres quand laddresse sera refermée.
30
Je crains quil ny aye longueur en la poursuitte de monsieur
31
Revol et grande difficulté à faire verifier vozdites lettres
32
en la chambre des comptes de ceste ville. Sil y a moyen
33
de les faire verifier en Daulphiné, ce sera le plus court.
34
Je presente mes très humbles recommandations à votre bonne
35
grace, priant dieu,
36
monsegneur, qui vous conserve en très longue et heureuse vie.
37
De Paris, ce XXIIIIe febvrier 1573.
38
Votre très humble
39
serviteur
40
S. de Boczosel